Aaj Aaye Nabiyon Kay Sardar Marhaba,
Marhaba Aie Qafila Salaar Marhaba.
Amina Kay Dilbar O Dildar Marhaba,
Marhaba Aye Mehboob e Ghaffar Marhaba.
Shaad Ho Kay Aamad e Khair Ul Wara Hai Aaj,
Ghum Kay Maray Bol Uthay Ghum Khawaar Marhaba.
Subz Parcham Haath Mein Lehra Kay Sab Bolo,
Makki Madani Aie Arabi Sardar Marhaba.
Jhoomta Hai Wajd Mein Kaaba Khushi Say Aaj,
Keh Rahay Hain Gunbad o Minar Marhaba.
Bas Gayi Hai Wadi e Jaan Mein Nayi Mehek,
Teri Aamad Per Shah e Abrar Marhaba.
Do Ubaid e Bay Hunar Ko Naat Ka Shaoor,
Kar Raha Hai Piyaar Say Takraar Marhaba.
COMMENTS