Chamka Mah e Noor Ka Hilal Marhaba Marhaba

Ya Rasool Allah Marhaba Marhaba,
Ya Habib Allah Marhab Marhaba.
Bay kasun say hai jinhay pyar wohi aaye hain,
Jo do aalam kay hain ghum khaar wohi aaye hain.
Ek nazar asmaan per daal, marhaba,
Chamka mah-e-noor ka hilal, marhaba marhaba.
Ya Rasool Allah Marhaba Marhaba,
Ya Habib Allah Marhab Marhaba.
Jhanday lagao galiyan sajao,
Karlo charaghan ghar jagmagao,
Razi ho ga Rab-e-Zuljalal (SWT), marhaba.
Ya Rasool Allah Marhaba Marhaba,
Ya Habib Allah Marhab Marhaba.
Mehfil sajaayein naatein sunaein,
Aaqa ki aamad ki dhoomain machayein,
Roz-o-shab yehi ho apna haal, marhaba.
Ya Rasool Allah Marhaba Marhaba,
Ya Habib Allah Marhab Marhaba.
Laaraib nabiyon kay saalar aaye,
Aaye do aalam k ghum khaar aaye,
Shahkaar-e-Rab-e-Zuljalal, marhaba.
Ya Rasool Allah Marhaba Marhaba,
Ya Habib Allah Marhab Marhaba.
Aashiq key dil jagmaganay lagay hain,
Dekho zara muskuranay lagay hain,
Deedni hain unkay khad-o-khaal, marhaba.
Ya Rasool Allah Marhaba Marhaba
Ya Habib Allah Marhab Marhaba
Sadqa wiladat ka jalwa dikha do,
Dil ki lagi ab to aaqa bujha do,
Dikhla do apna ab jamaal, marhaba.
Ya Rasool Allah Marhaba Marhaba,
Ya Habib Allah Marhab Marhaba.
Jood-o-sakhawat hai aadat tumhari,
Phailaaye daaman kharay hain bhikari,
Kar do karam amna k laal, marhaba.
Ya Rasool Allah Marhaba Marhaba,
Ya Habib Allah Marhab Marhaba.
Jaam-e-shahadat piya hai jinho ne,
Ahle-sunan ko jila di unho na,
Yaad aayengay wo har saal, marhaba.
Ya Rasool Allah Marhaba Marhaba
Ya Habib Allah Marhab Marhaba
Shaadi kay naghmay sunatay rahengay,
Jashn-e-wiladat manaatay rahengay,
Waar daingay tum pay jaan-o-maal, marhaba.
Ya Rasool Allah Marhaba Marhaba
Ya Habib Allah Marhab Marhaba
Parhnay laga jab Ubaid un ki naatein,
Honay lageen chaar soo us ki baatein,
Faiz-e-Raza ka hai sub kamaal, marhaba.
Ya Rasool Allah Marhaba Marhaba
Ya Habib Allah Marhab Marhaba

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x