Idhar Bhi Nigah e Karam Ghous e Azam

Idhar Bhi Nigah E Karam Ghous E Azam
Karo Dur Ranj O Alam Ghous E Azam

Ghira Hoon Mein Har Samt Se Ranj-O-Ghum Mein
Khudara Karam Kar Karam Ghous-E-Azam

Woh Rutba Tera Hai Kay Jitnay Wali Hain
Sabhi Tere Zair-E-Qadam Ghous-E-Azam

Hai Gardan Mein Teri Ghulami Ka Patta
Tujhi Se Hai Mera Bharam Ghous-E-Azam

Tera Hoon Mein Tera Mere Is Kahe Ka
Sar-E-Hashr Rakhna Bharam Ghous-E-Azam

Madinay Se Najdi Bala Ko Nikalo
Karo Un Kay Sar Ko Qalam Ghous-E-Azam

Mera Har Maraz Door Ho Jaye Piyaare
Karo Aisa Aakar K Dam Ghous-E-Azam

Mere Chaand Mera Muqaddar Sanwaaro
Bohot Ho Gaye Paich-O-Ghum Ghous-E-Azam

Mujhe Khwaab Mein Aa Ke Jalwa Dikha Do
Karo Aaj Ki Shab Karam Ghous-E-Azam

Nazar Jab Uthaaoon Nazar Aaye Mujh Ko
Madinay Ka Dilkash Haram Ghous-E-Azam

Jila Paaye Ga Dil Ubaid-E-Raza Ka
Zara Rakh Do Apna Qadam Ghous-E-Azam

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x