Madinah Aanay Wala Hai

Sambhal Jaa Ai Dil e Muztar Madinah Aanay Wala Hai
Lutaa Ai Chashm e Tar Gohar Madinah Aanay Wala Hai

Qadam Ban Jaaye Meyra Sar Madinah Aanay Wala Hai
Bichaun Rah Mey Nazar Bankar Madinah Aanay Wala Hai

Jo Deykhey Unka Naqsh e Paa Khuda Sey Wo Nazar Maangoon
Chirag e Dil Chaloo Leykar Madinah Aanay Wala Hai

Karam Unka Chala Yoon Dil Sey Kehta Raah e Taibah Mey
Dil e Muztar Tasalli Kar Madinah Aanay Wala Hai

Nichawar Hain Madiney Ki Yeh Meyra Dil Meyri Aankhain
Nichawar Hoon Madiney Par Madinah Aanay Wala Hai

Ilaahi Mey Talabgaar e Fanaa Hoon Khaak e Taibah Main
Ilaahi Kar Nisaar e Dar Madinah Aanay Wala Hai

Madiney Ko Chalaa Main Bey Niyaz Rehbar e Manzil
Raah e Taibah Hai Khud Rehbar Madinah Aanay Wala Hai

Mujhey Kheenchey Liye Jaata Hai Shauq e Koocha e Jaanaan
Kheenchaa Jaata Hoon Mey Yaksar Madinah Aanay Wala Hai

Wo Chamka Gumbad e Khazra Wo Shehr e Pur Ziyaa Aaya
Dhaley Ab Noor Mey Peykar Madinah Aanay Wala Hai

Jahan Sey Bey Khabar Ho Kar Chaloo Khuld e Madinah Mey
Chaloo Ab Hosh Ki Peekar Madinah Aanay Wala Hai

Madiney Mey Khuley Baab e Hayaat e Nau Batar Ze Noo
Badal Daalo Kahan Daftar Madinah Aanay Wala Hai

Talabgaar e Madinah Tak Madinah Khud Hee Aajaye
Tu Duniya Sey Kinaara Kar Madinah Aanay Wala Hai

Madinah Aagaya Ab Deyr Kya Hai Sirf Itni Si
Tu Khaali Kar Yeh Dil Ka Ghar Madinah Aanay Wala Hai

Falak Shaayad Zameen Par Reh Gaya Khaak e Guzar Ban Kar
Bichey Hain Raah Mey Akhtar Madinah Aanay Wala Hai

Fazaayain Mehki Mehki Hain Hawaayain Bheeni Bheeni Hain
Basee Hai Kaisee Mushk e Tar Madinah Aanay Wala Hai

Qamar Aaya Hai Shaayad Unkey Talwon Ki Ziyaa Leyney
Bichaa Hai Chaand Ka Bistar Madinah Aanay Wala Hai

Muhammad Key Gadaa Kuch Farsh Waaley Hee Nahin Deykho
Wo Aata Hai Shahey Khaawar Madinah Aanay Wala Hai

Gubaar e Raah e Anwar Kis Qadar Purnoor Hai Akhtar
Tanee Hai Noor Ki Chaadar Madinah Aanay Wala Hai


More Naat Lyrics

  1. Mustafa Jane Rehmat Pay Lakhon Salaam
  2. Madine ka Safar
  3. Meri Zindagi Meri Aabroo
  4. Muhammad Nabeena
  5. Madina Samnay Hai
  6. Mere Maula Teri Baat Hi Aur Hai
  7. Maae Hubbe Nabi
  8. Meetha Madina Door Hai
  9. Muhammad Mustafa Salley Ala Ki Aaj Mehfil Hai
  10. Mere Malik Mere Aaqa
  11. Madiney Se Dilkash Hawa Aa Rahi Hai
  12. Mujhe Dar Pe Phir Bulana Madni Madine Wale
  13. Mawla Ya Salli (Qasida Burda Shortened)
  14. Mujh Mein Unki Sana Ka Saleeqa Kahan
  15. Magroor Na Ho Apne Muqaddar Pe O Nadan
  16. Main Tu Panjtan Ka Ghulam Hoon
  17. Meri Kismat Jagane Ko Nabi Ka Naam Kafi Hai
  18. Murtuza Noor Hai Fatima Noor Hai
  19. Mujhe Apna Bana Lo Tum Khudara Ya RasoolAllah
  20. Mujhe Bhi Shahid E Asra Bana Diya Hota

3 thoughts on “Madinah Aanay Wala Hai”

Leave a Comment