اللہ دے حضور دی اے گل وکھری

پنجابی نعت
اللہ دے حضور دی اے گل وکھری
آقا پُر نور دی اے گل وکھری

طور ہووے بھاویں ہووے عرشِ الہٰ
طیبہ دے سُرور دی اے گل وکھری

اَنَا الحق کہہ کے نہ لہوانا کھلڑی
مست حضور دی اے گل وکھری

عاشقاں دے وکھرے قانون تے اصول
عین ِ مخمور دی اے گل وکھری

مونہوں آقا سامنے نہ اُچا بولنا
دلِ مجبور دی اے گل وکھری

اقصیٰ دی شان دی نہ حد نہ شمار
کعبہ دے غرور دی اے گل وکھری

بشری لبادے وچ سب نالوں سوہنے نیں
نورِ مستور دی اے گل وکھری

سارے نبی اللہ سوہنے رب دے پیارے نیں
آخری رسول دی اے گل وکھری

ایتھے رب آندا اوتھے آپ جانا پیندا اے
طیبہ تے کوہِ طور دی اے گل وکھری

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x