سن کملے دلا جے توں چاھنا ایں وسنا

پنجابی نعت
سُن کملے دِلا جے توں چاھنا ایں وسنا
شروع کر سوہنے نبی دا تُوں نام جپنا

بھیج نبی تے درود جے توں چاہنا ایں ترنا
سوہنے اللہ دا ہے ورد درود پڑھنا
جنھے کیتا ایہہ وظیفہ اونھے نیوں ڈبنا
شروع کر سوہنے نبی دا توں نام جپنا

دم دم نال سوھنا یاد کریے
ہر ویلے ایہو فریاد کریے
ہجر دا ویلہ ہن نیوں ٹَپنا
شروع کر سوہنے نبی دا توں نام جپنا

جگ نالوں سوھنے دی اے وکھری ای شان
پڑھ پڑھ ویکھیا میں سارا قرآن
رج رج ویکھاں روضہ اِکو سپنا
شروع کر سوھنے نبی دا توں نام جپنا

چھڈ در در رُلنا تے اینویں کھپنا
من سوھنے نوں توں جان تے جہان اپنا
ایہو جیہا در ہور کرے نیوں لبھنا
شروع کر سوھنے نبی دا توں نام جپنا

سوھنے جئی کسے نبی دی نہ شان مورکھا
کدی پڑھ کے تے ویکھ قرآن مورکھا
قائم رکھ ایسے گل تے ایمان اپنا
شروع کر سوھنے نبی دا توں نام جپنا

میرے نبی دیاں صفتاں رحیم تے کریم
اک رحمتِ خدا اُتوں خُلقِ عظیم
ودھ ایہدے توں نہ کوئی غم خوار اپنا
شروع کر سوھنے نبی دا توں نام جپنا

دِلا گل محبوؔب دی توں پلے بنھ لے
کر سکنا ایں جنی وی توں زاری کر لے
ایہو جیا موقعہ روز روز نیوں لبھنا
شروع کر سوھنے نبی دا توں نام جپنا

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x