طیبہ دیاں گلاں صبح و شام کریے

پنجابی نعت
طیبہ دیاں گلاں صبح و شام کریے
ہر ویلے اکو ای کلام کریے

دل وچ وسدا اے اکو ای خیال
طیبہ وچ جندڑی نیلام کریے

طور نہ جنتاں دی لوڑ سانوں
ہر گھڑی طیبہ دے ای نام کریے

رب کولوں اکو ای دعا منگیے
طیبہ وچ وسنا دوام کریے

طیبہ دیاں گلیاں دے وچ بیٹھ کے
آقا تے درود تے سلام کریے

طیبہ جا کے مُڑ آنا جچدا نیئیں
طیبہ وچ پکا ای قیام کریے

روضے دیاں اکھاں نال چُم جالیاں
زندگی دا سفر تمام کریے