Kuch Nahin Mangta

1. Kuch Nahin Mangta Shahon Se Yeh Shaida Tera
2. Iski Daulat Hai Faqat, Naqshe Kafey Pa Tera
Kuch Nahin

3. Purey Qad Se Mayn Khara Hun, To Yeh Tera Hai Karam
4. Mujh Ko Jhuk Ne Nahin Dayta Yeh Sahara Tera
Kuch Nahin

5. Log Kehte Hain Ke Saya Tere Pekar Ka Na Tha
6. Mayn To Kehta Hun, Jahan Bhar Pe Hai Saya Tera
Kuch Nahin

7. Dastagiri Meri Tanhai Ki Tune Hi To Ki
8. Mayn To Mar Jata Agar Saath Na Hota Tera
Kuch Nahin

9. Tu Bashar Bhi Hai Magar Fakhrey Bashar Bhi To Hai
10. Mujh Ko To Yaad Hai Bas Itna Sarapa Tera
Kuch Nahin

11. Meri Ankhon Se Jo Dhundhe Tujhe Har Su Dekhein
12. Sirf Khilwat Mein Jo Kar Te Hain Nazara Tera
Kuch Nahin

13. Ek Baar Aur Bhi, Batoha Se Falastin Mein Aa
14. Rasta Dekhti Hai Masjide Aqsa Tera
Kuch Nahin

Author: Janaab Ahmed Nadim Kasmi