Mujh Mein Unki Sana Ka Saleeqa Kahan

Mujh Mein Unki Sana Ka Saleeqa Kahan
Woh Shaahe Do Jahaan Woh Kahaan Main Kahaan
Un Ka Mad-Ha Saraa Khaaliqe Asraa
Woh Rasoole Zamaan Woh Kahaan Main Kahaan
Un Ke Daaman Se Wabasta Meri Nijaat
Unpe Qurbaan Meri Hayaato Mamaat
Main Gunahgaar Woh Shaafaye Aasiyaan
Bekason Ki Amaan Woh Kahaan Main Kahaan

Woh Madina Nagina Jo Hai Arsh Ka
Woh Madina Bharam Jo Bana Farsh Ka
Woh Madina Jahaan Rehmate Bekaraan
Main Bhi Pahuchu Wahaan Woh Kahaan Main Kahaan

Shak Nahi Aye Riyaz Is Mein Hargiz Zara
Main Saraapa Khata Woh Saraapa Ata
Naam Un Ka Rahe Kyun Na Wirde Zubaan
Hai Jo Taskine Jaan Woh Kahaan Main Kahaan