مصطفی جانِ رحمت پہ لاکھوں سلام

مصطفیﷺ جانِ رحمت پے لاکھوں سلام
شمع بزم ہدایت پے لاکھوں سلام

شہریارِ ارم تاجدارِحرم
نوبہارِشفاعت پے لاکھوں سلام

شبِ اسریٰ کے دولہا پے دائم درود
نوشہء بزم جنت پے لاکھوں سلام

دور و نزدیک کے سننے والے وہ کان
کانِ لعلِ کرامت پے لاکھوں سلام

جس کے ماتھے شفاعت کا سہرا رہا
اس جبینِ سعادت پے لاکھوں سلام

جس کے سجدے کو محرابِ کعبہ جھکی
ان بھنووں کی لطافت پے لاکھوں سلام

جس طرف اُٹھ گئی دم میں دم آ گیا
اُس نگاہِ عنایت پے لاکھوں سلام

جس سے تاریک دل جگمگانے لگیں
اس چمک والی رنگت پے لاکھوں سلام

وہ زباں جس کو سب کُن کی کُنجی کہیں
اُس کی نافذ حکومت پے لاکھوں سلام

جس کی تسکیں سے روتے ہوئے ہنس پڑیں
اُس تبسم کی عادت پے لاکھوں سلام

جس کو بارِ دوعالم کی پرواہ نہیں
ایسے بازو کی قوت پے لاکھوں سلام

کل جہاں مِلک اور جَو کی روٹی غذا
اُس شِکم کی قناعت پے لاکھوں سلام

جس سہانی گھڑی چمکا طیبہ کا چاند
اُس دل افروز ساعت پے لاکھوں سلام

اللہ اللہ وہ بچپنے کی پھبن
اُس خدا بھاتی صورت پے لاکھوں سلام

کس کو دیکھا یہ موسیٰؑ سے پوچھے کوئی
آنکھ والوں کی ہمت پے لاکھوں سلام

اس بتول جگر پارۂ مصطفیﷺ
جملہ آرائے عفت پے لاکھوں سلام

سیدہ زاہرہ طیبہ طاہرہ
جانِ احمد کی راحت پے لاکھوں سلام

وہ دسوں جن کو جنت کا مژدہ ملا
اس مبارک جماعت پے لاکھوں سلام

جس کے دشمن پے لعنت ہے اللہ کی
اُن سب اہلِ محبت پے لاکھوں سلام

وہ عمر جس کے اعدا پے شیدا سقر
اُس خدا دوست حضرت پے لاکھوں سلام

غوثِ اعظم امام التقی والنقی
جلوۂ شانِ قدرت پے لاکھوں سلام

شیرِ شمشیرزن شاہِ خیبر شکن
پرتودست قدرت پے لاکھوں سلام

جس کی منبر ہوئی گردنِ اولیاء
اس قدم کی کرامت پے لاکھوں سلام

حضرتِ حمزہ شیرِ خدا و رسولﷺ
زینتِ قادریت پے لاکھوں سلام

بے عذاب و عتاب و حساب و کتاب
تا ابد اہلِ سنت پے لاکھوں سلام

میرے استاد ماں باپ بھائی بہن
اہلِ ولد و عشیرت پے لاکھوں سلام

کاش محشر میں جب اُن کی آمد ہو اور
بھیجیں سب اُن کی شوکت پے لاکھوں سلام

مجھ سے خدمت کے قدسی کہیں ہاں رضاؔ
مصطفیﷺ جانِ رحمت پے لاکھوں سلام