رب دے پیار دی اے گل وکھری

پنجابی نعت
رب دے پیار دی اے گل وکھری
طیبہ دے دیار دی اے گل وکھری

اُنج تے نبی سارے رب دے چنیدہ نیں
میری سرکار دی اے گل وکھری

طیبہ وچ دن سارے جگ نالوں سوھنے نیں
صبح دے نکھار دی اے گل وکھری

مسجدِ نبوی وی رج رج سوھنی اے
روضے دے حصار دی اے گل وکھری

ہر اک شہر دی بہار سوھنی ہوندی اے
طیبہ دی بہار دی اے گل وکھری

طیبہ دیاں شاناں رب آپ ودھایاں نیں
باقی سنسار دی اے گل وکھری

ہر اک روگ دی دوا مل جاندی اے
طیبہ دے بیمار دی اے گل وکھری

نبیاں دی صف کہندی مونہوں بول بول کے
اسریٰ سوار دی اے گل وکھری

رب کہندا ہر شے میں کسے نوں نیئیں دسدا
پر میرے یار دی اے گل وکھری