تیری شان پہ میری جان فدا

نعت
تیری شان پہ میری جان فدا
اِک جان تو کیا صد جان فدا

صد جان بھلا ہے چیز ہی کیا
یہ سارا جہاں صد بار فدا

صد بار جہاں بھی کم تر ہے
تیری شان پہ کون و مکان فدا

نہ کون و مکاں سے جی ہے بھرا
یہ مکاں اور لا مکان فدا

دل اب بھی تشنہ حسرت ہے
کروں لوح و قلم کی شان فدا

سب جنت دوزخ حور و ملک
ہر زمن کا ہر انسان فدا

سب عرشی فرشی شمس و قمر
ہر چیز کروڑوں بار فدا

کچھ بھی تو نہیں تیرے قابل
تیری شان کا حق ہو کیسے ادا

سب عالم کی ہر چیز تیری
میں قرباں یا رسول اللہ