Allahu Allahu Allahu Allahu

Allahu Allahu Allahu Allahu

Qalb Ko Uski Rooyat Ki Hai Aarzoo
Jis Ka Jalwah Hai ‘Aalam Mey Har Chaar Soo
Balkey Khud Nafs Mey Hai Wo Subha Nahoo
‘Arsh Par Hai Magar ‘Arsh Ko Justa Joo
Allahu Allahu Allahu Allahu

‘Arsh-o-Farsh-o-Zamano Jihat Ai Khuda
Jis Taraf Deykhta Hoon Hai Jalwah Teyra
Zarrey Zarrey Ki Aankhon Mey Tu Hee Ziyaa
Qatrey Qatrey Ki Tu Hee To Hai Aabroo
Allahu Allahu Allahu Allahu

Saarey ‘Aalam Ko Hai Teyri Hee Justajoo
Jinn o Ins o Malak Ko Teyri Aarzoo
Yaad Mey Teyri Har Eyk Hai Koo Bakoo
Ban Main Wehshi Lagaatey Hain Zarbaatey Hoo
Allahu Allahu Allahu Allahu

Nagma Sanjaaney Gulshan Mey Charcha Teyra
Cheh-Chahey Zikrey Haq Key Hain Subho Masaa
Apni Apni Chehak Apni Apni Sadaa
Sab Ka Matlab Hai Waahid Key Waahid Hai Tu
Allahu Allahu Allahu Allahu

Taa-Iraan e Jina Mey Teyri Guftagoo
Geet Teyrey Hee Gaatey Hain Wo Khush Guloo
Koi Kehta Hai Haq Koi Kehta Hai Hoo
Aur Sab Kehtey Hain Laa Shareeka Lahoo
Allahu Allahu Allahu Allahu

Thandi Thandi Naseemain Chalain Merey Rab
Fitnon Ki Dhool Sey Paak Huwey ‘Arab
Aisaa Barsaa Bahaadey Jo Khaa Shaak Sab
Teyri Rehmat Key Baadal Ghirain Chaar Soo
Allahu Allahu Allahu Allahu

Khwaab-e-Noorie Mey Aayain Jo Noor e Khuda
Buq’a-e-Noor Ho Apna Zulmat Kadaa
Jagmagaa Utthey Dil Chehra Ho Pur Ziyaa
Nooriyon Ki Tarha Shugl Ho Zikr-e-Hoo
Allahu Allahu Allahu Allahu

Hamd Of Allah Ta’ala
ALLAHU ALLAHU
By: Beloved Son Of A’ala Hazrat, Huzoor Mufti e A’azam e Hind ‘Alaihir Rahmah