Hoon Main Nadim Gunahoon Par Ya Rab

Hoon Main Nadim Gunahoon Par Ya Rab
Mujh Pe Rehmat Ki Ho Ya Rab

Jitni Ghariyan Hon Umr Ki Baaqi
Aafiat Se Woh Hon Basar Ya Rab

Aah Badkaarian Barheen Had Say
Ban Chuka Qalb Bhi Hajar Ya Rab

Tu Gunaahgar Per Reham Farma
Behr-E-Siddiq Or Umar Ya Rab

Bakhsh Day Mujh Ko Bay Sabab Mola
Or Jannat Mein Day Day Ghar Ya Rab

Khatima Mustafa Kay Qadmon Per
Mera Eemaan Per Tu Kar Ya Rab

Rooh Niklay Gi Jhoom Kar Meri
Hogi Deed-E-Huzoor Gar Ya Rab

Day Jawar-E-Nabi Mein Ja Mujh Ko
Na Phira Mujh Ko Dar Badar Ya Rab

Hajj Ka Har Saal Day Sharaf Mola
Saath Murshid Kay Ho Safar Ya Rab

Murshidi Saath Lay Chalein Taiba
Aarzoo Aaye Meri Bar Ya Rab

Saamnay Subz Subz Gumbad Ho
Jab Uthaaoon Jidhar Nazar Ya Rab

Ishq-E-Sarkar Se Ho Dil Roshan
Na Mile Mujh Ko Maal-O-Zar Ya Rab

Ishq Meethay Madinay Ka Mola
Mujhe Hasil Is Qadar Ho Ya Rab

Kay Jab Kahin Bhi Ho Zikr Taiba Ka
Aankh Ho Jaaye Meri Tar Ya Rab

Ho Kay Razi Ubaid Se Malik
Har Khata Kar Tu Dar Guzar Ya Rab

Day Baqi Mein Ubaid Ko Madfan
Mot Taiba Mein Baksh Kar Ya Rab

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x