Sarwar kahoon ke Maalik-o Mawlaa kahoon tujhe
Baaghe Khaleel kaa gul-e zaybaa kahoon tujhe
Hirmaan naseeb hoon tujhe ummeed gah kahoon
Jaane muraado kaane tamanna kahoon tujhe
Gulzaar-e Quds ka gul-e rangeen adaa kahoon
Darmaan-e dard-e bulbul-e shaydaa kahoon tujhe
Subhe watan pe shaam-e gareeban ko doon sharaf
Bekas nawaaz gesu-on waalaa kahoon tujhe
Allah re! tere jisme munawwar ki taabishen
Ay jaan-e jaan main jaane tajalla kahoon tujhe
Mujrim hoon apne afwa ka saamaan karoon shahaa,
Yaanee Shafee-e- roz-e jazaa ka kahoon tujhe!
Is murdah dil ko muzda Hayaat-e abad ka doon
Taab-o tawaan-e jaan-e Maseeha kahoon tujhe
Tere to wasf ayb-e tanaahee se hain baree
Hayraan hoon mere shaah main kya kya kahoon tujhe
K`eh legi sab kuch unke sanaa khwaan ki khaamoshee
Chup ho rahaa he keh ke main kya kya kahoon tujhe
Lekin Raza ne khatm-e sukhan is pe kardiya
Khaaliq ka banda Khalq ka aaqaa kahoon tujhe
Masha allah………….!
Masha Allah
one of the best naat i have heard :), Iman taaza ho jate hai jis waqt bhi sunee…
Please. Write right line of this beautiful Naat.
Sarwar Kahoon Ke Malik O Maula Kahoon Tujhe.
Bagye Khalil Ka gule jeba Kahoon Tujhe.
Baag E Khalil ka Gul E Zeba Kahu Tujhe….
bhai za hai jim nahi
sub’haan Allaah
Mulk e sukhan ki shaahi tumko Raza musallam, Jis simt aagaye ho sikke jama diye hain..! *DAAGH DEHLVI
Syedi Aala Hazrath pe lakhon salaam.💓💖💕🌺🌸💞
One of most perfect naat-e-paak by Sarkar Aala Hazrat….