Jo Har Shay Ki Haqeeqat Hai

Jo Har Shay Ki Haqeeqat Hai Jo Pinhan Hai Haqeeqat Main,
Usi Kay Husn Ka Jalwa Hai Us Sham E Risalat Main.

Mere Dil Main Muhabbat Hai Mera Dil Hai Ibadat Main,
Tasawur Main Madina Hai Main Hoon Har Waqt Jannat Main.

Nabi Kay Ik Isharay Say Qamar Kyun Kar Na Ho Tukray,
Ke Fitrat Kar Farma Hai Hijabat E Nubuwat Main.

Main Keh Doon Ga Qayamat Main, Kay Roz E Imtehan Hain Woh,
Mera Imaan Muhabbat Hai Mujhay Jancho Muhabbat Main.

Tera Dil To Hai Jannat Main Meray Dil Main Hai Woh Jannat,
Yahi To Farq Hai Zahid, Ibadat Main Muhabbat Main.

Woh Muslim Jis Ko Tune Khaas Rahmat Say Nawaza Tha,
Woh Abb Behad Pareshan Hai Wohi Hai Ab Museebat Main.

Payambar Ki Haqeeqat Ko Koi Tahseen Kiya Samjhe,
Jo Maqta Hai Takhayul Ka Woh Matla Hai Nubuwat Main

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x