Armaan Nikalte Hain Dil Ke

Armaan Nikalte Hain Dil Ke Aaqa Ki Ziyarat Hoti Hai
Kon Is Ko Qayamat Kehta Hai Aisi Bhi Qayamat Hoti Hai

Tayba Ka Tassawur Kya Kahiye Ik Kaif Ki Halat Hoti Hai
Jis Samt Nigahain Uthti Hain Bas Samnay Jannat Hoti Hai

Ihsaas E Fazun Jab Hota Hai Iss Baab E Karam Say Doori Ka
Woh Qalb Hi Janay Be Chaara Jo Qalb Ki Halat Hoti Hai

Hai Unki Raza Par Haq Ki Raza Aur Unka Kiya Hai Haq Ka Kiya
Jo Unka Iraadah Hota Hai Woh Haq Ki Mashiyat Hoti Hai

Iss Baais E Khalq E Aalam Ka Jab Naam Labon Par Aata Hai
Raahat Se Badal Kar Rehti Hai Jo Koi Museebat Hoti Hai

Tayba Ki Bahaar E Dil Kash Ka Jab Tazkira Koyee Karta Hai
Uss Waqt Mareez E Ulfat Ki Kuch Aur Hi Haalat Hoti Hai

Mukhtar E Jahan Hain Woh Tehseen Jo Maango Woh Unsay Milta Hai
Taqseem Unhin Kay Dar Say To Konain Ki Daulat Hoti Hai.

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x